«30 տարի Սպիտակից հետո» ֆոտոմրցույթ Հայաստանում

1. Համաշխարհային բանկը կընտրի եզրափակիչ փուլ անցնող 10 մասնակցի (10 լուսանկար):

2. Կապ կհաստատվի միայն եզրափակիչ փուլ անցածների հետ:

3. Ժյուրին կգնահատի 10 լուսանկարները և 2018թ. նոյեմբերի 30-ին կընտրի 3 հաղթող լուսանկար, որոնց կշնորհվեն մրցանակներ՝ վառ, հիշարժան աշխատանքի համար, որտեղ հմտորեն ներկայացված կլինի Հայաստանում աղետների նկատմամբ դիմակայունության պատկերը, և թե ինչ է նշանակում վերականգնվել աղետալի երկրաշարժերի պատճառած խնդիրներից և ավերածություններից:

4. Լուսանկարները կգնահատվեն հետևյալ չափանիշներով՝

    a) պարզություն և առնչություն թեմային

    b) ստեղծագործ մոտեցում

    c) լուսանկարի լուսանկարչական որակ:

5. Բացի այդ, ժյուրին կընտրի 3 լուսանկար, որոնք պատվոգիր կստանան հետևյալ թեմաների արծարծման համար՝ համայնքների զորեղացում, տեղական աղետակայուն ենթակառուցվածք և աղետակայուն մշակութային ժառանգության վայրեր:

6. Գրագողության ցանկացած դրսևորում կամ հեղինակային իրավունքի ցանկացած խախտում ինքնաբերաբար կհանգեցնի մասնակցի որակազրկման:

7. Ժյուրիի որոշումները լինելու են վերջնական:

Հաղթողների և մրցանակների մասին կհայտարարվի 2018 թվականի դեկտեմբերի 7-ին՝ Սպիտակի երկրաշարժի 30-ամյակի օրը:

1. Մրցանակների շնորհման արարողությունը կկայանա Գյումրիում՝ հիշատակի միջոցառումների շրջանակում:

2. 3 հաղթողները կստանան հետևյալ գումարային մրցանակները.

Առաջին մրցանակ՝ 500 ԱՄՆ դոլար,

Երկրորդ մրցանակ՝ 350 ԱՄՆ դոլար,

Երրորդ մրցանակ՝ 150 ԱՄՆ դոլար: 

3. Բացի այդ,

a. 3 պատվոգիր կշնորհվի հետևյալ թեմաների արծարծման համար՝ համայնքների զորեղացում, տեղական աղետակայուն ենթակառուցվածք և աղետակայուն մշակութային ժառանգության վայրեր

b. Լավագույն 10 լուսանկարները Համաշխարհային բանկի ինտերնետային կայքում տեղադրված կլինեն 2018թ.  դեկտեմբեր - 2019թ. հունվար ամիսներին, նաև՝ լուսանկարների տպագրված տարբերակները կներառվեն լուսանկարների գրքույկում, որը կցուցադրվի համաժողովների սրահների ընդունարաններում:

Այս մրցույթին լուսանկար ներկայացնելով՝ յուրաքանչյուր մասնակից համաձայնում և ընդունում է ստորև նշված դրույթները.

Մրցույթի մասնակիցների բնութագիրը, իրավունքները և պարտականությունները

- Մրցույթը բաց է Հայաստանից և ողջ աշխարհից այն անհատների համար, որոնք չեն հանդիսանում Համաշխարհային բանկի ներկայիս աշխատակից, այդ թվում՝ խորհրդատու, պրակտիկանտ, կապալառու և կապալառուի աշխատակից: Համաշխարհային բանկի աշխատակիցների ընտանիքների անդամները և հարազատներն ունեն մասնակցելու իրավունք, բացառությամբ Համաշխարհային բանկի այն աշխատակիցների ընտանիքի անդամների և հարազատների, որոնք ընդգրկված են Աղետների ռիսկի կառավարման ազգային ծրագրում:

- Լուսանկարները ներկայացնելու պահին մրցույթի մասնակիցների 18 տարին պետք է լրացած լինի:

- Մրցույթի մասնակիցներն ընդունում են, որ այս մրցույթին ներկայացված բոլոր լուսանկարները  և տեղեկությունները հրապարակային են և չեն հանդիսանում մասնավոր հաղորդակցություն: Ավելին, մրցույթի մասնակիցներն ընդունում են, որ մյուս մասնակիցների չատերը, տեղադրած գրառումները, կոնֆերանսները, էլեկտրոնային նամակները և այլ հաղորդումները որևէ կերպ հաստատված չեն ժյուրիի և/կամ Համաշխարհային բանկի և/կամ վերջինիս գործընկերների կողմից, և որ այդ հաղորդումները չեն կարող համարվել ժյուրիի և/կամ Համաշխարհային բանկի և/կամ վերջինիս գործընկերների կողմից վերանայված, ուսումնասիրված կամ հավանություն ստացած:

• Դուք պահպանում եք հեղինակային իրավունքը և շարունակում եք հանդիսանալ Ձեր նկարների սեփականատերը և իրավունք ունեք շարունակել դրանք օգտագործել Ձեր նախընտրած եղանակով՝ անկախ տվյալ լուսանկարի հաղթող ճանաչվելու կամ երկրորդ տեղ զբաղեցնելու հանգամանքից: Դուք համաձայնում եք, որ Ձեր ներկայացրած նկարները կարող են հրապարակային ցուցադրվել, օգտագործվել Համաշխարհային բանկի տպագիր նյութերում, սոցիալական ցանցերում ՀԲ-ի ունեցած հարթակներում, ՀԲ կայքէջերում կամ այլ լրատվական միջոցներում, և կարող են պատճենվել և ցուցադրվել ցանկացած երկրում՝ նշելով Ձեր անունը որպես լուսանկարի հեղինակ: Հայաստանի Սպիտակի երկրաշարժի ֆոտոմրցույթի լուսանկարների հավաքածուի նկատմամբ հեղինակային իրավունքը պատկանում է GFDRR-ին և Համաշխարհային բանկի խմբին:
• Համաշխարհային բանկի խումբն իրեն իրավունք է վերապահում հրապարակել և/կամ հանրությանը հասանելի դարձնել ներկայացված բոլոր լուսանկարները:

Վարվելակարգ.  Այս դրույթները չկատարելու դեպքում մասնակցությունը մրցույթին չի թույլատրվի: Ժյուրին և/կամ Համաշխարհային բանկը պատասխանատու չէ մրցույթի, մրցույթի կազմակերպման համար տպված նյութերի կամ մրցանակների հայտարարության մեջ տեղ գտած տպագրական կամ այլ սխալների համար: Համաշխարհային բանկը կարող է իր հայեցողությամբ թարմացնել և/կամ փոփոխել մրցույթի դրույթներն ու պայմանները, և մրցույթի մասնակիցը համաձայնում է ընդունել և պարտադիր կատարել այդ թարմացված և/կամ փոփոխված դրույթներն ու պայմանները: 

Հայաստանում աղետների ռիսկի կառավարումն աստիճանաբար է´լ ավելի է կարևորվում երկրի կայուն զարգացման համատեքստում: 1988 թվականի Սպիտակի երկրաշարժից հետո Հայաստանը կիրառել է քաղած դասերը և զգալիորեն լավացրել է աղետների արձագանքման կարողության զարգացման, սեյսմիկ շրջանացման քարտեզի մշակման և սեյսմակայունության նորմերի արդիականացման ուղղությամբ տարվող աշխատանքները: Այսպիսի աղետների նկատմամբ Հայաստանի դիմակայունությունը բարձրացնելու նպատակով ՀՀ կառավարությունը, Համաշխարհային բանկը և GFDRR-ը համատեղ աշխատում են աղետների ռիսկերի մասին տեղեկատվությունը բարելավելու, ռիսկերի նվազեցման շրջանակն ընդլայնելու, պատրաստվածությունը և աղետների ֆիսկալ ռիսկերի ընկալումը բարելավելու ուղղությամբ:

Օրինակ, ծրագրի շրջանակում տեխնիկական աջակցություն է տրամադրվել ազգային մակարդակում սեյսմիկ վտանգների խորքային գնահատում կատարելու համար, որպեսզի կառավարությունը համակողմանի պատկերացում կազմի երկրում առկա սեյսմիկ ռիսկի մասին: Վերլուծության ժամանակակից մեթոդների և առաջադեմ գիտական հետազոտությունների մեկտեղման շնորհիվ Հայաստանը ընդլայնել է սեյսմիկ շրջանացման քարտեզներն՝ օգտագործելով երկրաբանական վտանգների արդի սցենարներ: Սեյսմիկ շրջանացման նոր քարտեզները հիմք կծառայեն շինարարական նորմերը և հողահատկացման չափանիշները, ինչպես նաև տարհանման երթուղիները բարելավելու համար:

Լրացուցիչ տեղեկատվության համար՝ տե′ս հետևյալ հղումները.

Armenia Takes Important Steps Toward a Disaster Resilient Future (Հայաստանը կարևոր քայլեր է ձեռնարկում աղետակայուն ապագայի ուղղությամբ)

Armenia Country Risk Profile for Earthquakes and Floods (Հայաստանի՝ երկրաշարժերի և հեղեղումների ռիսկերի բնութագիրը)

Launch of Armenia National Disaster Risk Management Program (Հայաստան. ռիսկերի կառավարման ազգային ծրագրի մեկնարկը)