МОНГОЛ УЛС ДЭЛХИЙН БАНК ГРУППИЙН ТҮНШЛЭЛИЙН 30 ЖИЛИЙН ОЙД ЗОРИУЛСАН “ТҮҮХИЙГ ХАМТДАА” СЭДЭВТ ГЭРЭЛ ЗУРГИЙН УРАЛДААН

Уралдаан нь мэргэжлийн гэрэл зурагчид болон гэрэл зураг сонирхогч хүн бүхэнд нээлттэй бөгөөд Монгол Улс Дэлхийн Банк Группийн гишүүн орон болсон 30 жилийн хугацааны үйл явдал, хэрэгжсэн төслүүдийн үйл явц, үр дүнг харуулсан түүхэн агшныг гэрэл зурагт буулгаж үлдээсэн баримтат гэрэл зургийн төрлөөр бүтээл хүлээн авна. Уралдаанд ирүүлэх бүтээл нь аль болох төслийн ашиг шим хүртэгчид болон хамтрагч нарыг харуулсан байвал зохино.

• Оролцогч 5 хүртэл тооны бүтээлээ mnreceptionist@worldbank.org цахим хаягаар, өөрийн дэлгэрэнгүй мэдээлэл, холбоо барих утас, цахим шуудангийн хаягийн хамт илгээнэ.
• Бүтээл бүрд нэр өгсөн байх ба бүтээлийн эзний нэр, харьяа хот, аймаг, сум, дүүрэг, зурагт буусан дүрслэл, үйл явц зэргийг багтаасан товч тайлбартай байна. Тайлбар, мэдээллийг англи эсвэл монгол хэл дээр ирүүлсэн байна.
• Бүтээл нь JPG форматтай бөгөөд хамгийн багадаа 3000х2000 пиксел, DPI 300 нягтралтай байна.
• Гэрэл зураг нь аливаа хүн, үйл явдлыг бодит байгаа байдлаар нь буулгасан байх бөгөөд стандарт засвараас (хэмжээг нь өөрчлөх, таслах, өнгө контрастыг засах г.м.) бусад байдлаар өөрчлөлтийг хийгээгүй байна.
• Уралдаанд зөвхөн өөрийн авсан гэрэл зургаар оролцох бөгөөд зохиогчийн эрхтэй холбоотой асуудал үүссэн тохиолдолд зохион байгуулагч тал хариуцахгүй болно.
• Гэрэл зургийг өмнө нь өөр ямар нэг газар нийтлээгүй байх ёстой бөгөөд шаардлагатай бол үүнийг баталгаажуулах мэдээллийг зохион байгуулагчид олгоно. Мөн шаардлагатай тохиолдолд гэрэл зурагт буусан хүмүүсээс зөвшөөрлийг авах боломжтой байх ёстой (хүүхэд, насанд хүрээгүй хүн зурагт буусан бол эцэг эх, асран хамгаалагчаас авах зөвшөөрөл үүнд мөн багтана). Зохиогч/бүтээгчийн эрхтэй холбоотой аливаа асуудал үүссэн тохиолдолд уралдаанаас шууд хасагдана.

• Уралдаанд 18-с дээш настай Монгол Улсын иргэн оролцох боломжтой.
• Дэлхийн Банкны ажилчид, зөвлөх, дадлагажигч, гэрээт ажилчид болон тэдгээрийн гэр бүлийн хүмүүс уралдаанд оролцох боломжгүй.
• Дэлхийн Банкны Авлигатай тэмцэх журам, Худалдан авах ажиллагааны бодлого, худалдан авалт болон зөвлөх сонгон шалгаруулах журам болон холбогдох бусад дүрэм, журмын дагуу тус Банкнаас санхүүжилт авах эрхгүй хувь хүн эсхүл хуулийн этгээд оролцох эрхгүй болно.

Зохион байгуулагч байгууллагын төлөөлөл бүхий нийт 3 хүнээс бүрдсэн баг дараах гурван үзүүлэлтийн дагуу шалгаруулалтыг хийнэ. Үүнд:

• Дэлхийн Банкны санхүүжилттэй төслийн үр дүн, үр нөлөө хүмүүсийн амьдралд буусныг үзүүлэхэд хэрхэн уран сэтгэмж, зурагчны авьяас чадварыг ашигласан байдал:
• Бүтээлийн агуулга ба нэр, тэдгээрийн шүтэлцээ: болон
• Гэрэл зургийн чанар ба техникийн бусад үзүүлэлт.

***

^{Тэмдэглэл:}

• ^{Шалгаруулалтаас хасах үндэслэл. Хэрэв ялсан оролцогчдыг зарласны дараа шүүгчдийн бүрэлдэхүүн ялсан оролцогч уралдаанд оролцохдоо ямар нэгэн байдлаар төөрөгдүүлсэн, худал мэдээлэл өсөн, зориуд ташаа ойлголт төрүүлсэн, эсхүл оролцогч нь ирүүлсэн бүтээлийнхээ хууль ёсны эзэмшигч биш болох нь илэрсэн мөн/эсвэл тогтоогдсон тохиолдолд оролцогчийн нэрийг уралдаанаас татаж, хасна. Шүүгчдийн бүрэлдэхүүний уралдаанаас нэрийг татаж, хасах шийдвэр нь нууц бөгөөд эцсийн шийдвэр болно. Оролцогч нь энэхүү уралдаанд оролцсоноор өөрийн болон шүүгчдийн бүрэлдэхүүн мөн/эсхүл Дэлхийн Банк хооронд үүссэн аливаа маргааныг нууцлах бөгөөд аливаа хэрүүл, маргаанаар шүүгчдийн бүрэлдэхүүн, мөн/эсхүл Дэлхийн Банкны нэр хүндэд халдахгүй болохоо зөвшөөрсөн болно.}  
• ^{Шүүхээр үл заргалдах нь. Энэхүү уралдаанаас үүдсэн эсхүл түүнтэй холбоотой гомдол, маргаан гаргах тохиолдолд иргэний, захиргааны болон бусад шүүхэд нэхэмжлэл гаргах эрх хуулиар зөвшөөрөгдсөн хэм хэмжээнд уралдаанд хамаарахгүй бөгөөд оролцогч ийнхүү эдгээр эрхээс бүхэлд нь татгалзсан болно.}
• ^{Тусгай бүрэн эрхийн хамгаалалт. Энд дурдсан аливаа зүйл нь Дэлхийн Банк эсвэл Дэлхийн Банк Группэд олгогдсон тусгай эрх, хамгаалалтыг хязгаарлахгүй эсхүл тэдгээр эрхээс татгалзсан гэж үзэхгүй болно.}

Уралдаанд нийт 4 шагналт байрыг шалгаруулна.

• Уралдааны ялагч – 1 сая төгрөг.
• Удаагийн байрны 3 оролцогч – тус бүр 500,000 төгрөг.

Уралдааны шагналт байр эзэлсэн оролцогчдыг хэвлэл мэдээллийн хэрэгсэл, Дэлхийн Банкны олон нийтийн сүлжээ, цахим хуудсаар танилцуулах ба үр дүнг фейсбүүк хуудсаар нийтэд хүргэнэ.

Уралдаанаас шалгарсан 50 хүртэлх бүтээлээр зурагт альбом хэвлэн шагналт байранд шалгарсан бүтээлийн эздэд бэлэглэнэ.

Ирүүлсэн нийт бүтээлээр 1 сарын хугацаанд Дэлхийн Банкны олон нийтийн сүлжээг ашиглан цахим үзэсгэлэн гаргаж олон нийтэд хүртээл болгоно.

Бүтээлийг 2021 оны 4-р сарын 15-ны өдрийг дуустал хүлээн авна.

Оролцогчийн уралдаанд ирүүлсэн бүтээлийг Дэлхийн Банк Группийн хэвлэмэл материал болон түүний нийгмийн сүлжээ, цахим хуудас, мөн бусад хэвлэл мэдээллийн сувгаар ашиглах боломжтой болох бөгөөд энэ тохиолдолд зурагчны нэрийг зохих ёсоор дурдана. Зурагчин бүтээлийг эзэмших эрхийг эдэлсэн хэвээр байна. Дэлхийн Банк Групп уралдаанд ирүүлсэн бүтээлийг хэвлэн нийтлэх, олон нийтэд дэлгэн танилцуулах эрхтэй байна. Мөн Дэлхийн Банк Групп ирүүлсэн бүтээлийг хэвлэмэл материалд ашиглах зорилгоор хэлбэр, агуулгад өөрчлөлт хийх эрхтэй. Дэлхийн Банк бүтээлүүдийг нийтлэх, гэрэл зургийн альбом гаргахдаа зургийг сонгох эрхийг дангаараа эдэлнэ.