ទស្សនវិស័យកំណើនសេដ្ឋកិច្ចរបស់កម្ពុជានៅតែបន្តរឹងមាំនិងបោះជំហានឈានឡើងក្នុងខ្សែសង្វាក់តមៃ្លវិស័យកម្មន្តសាល ពីការកើនផ្នែកកាត់ដេរ មកកើនផ្នែកអគ្គិសនី និងគ្រឿងបម្លាស់យានយន្ត។ ដើម្បីទ្រទ្រង់កំណើន រឹងមាំនេះកម្ពុជាចាំបាច់ត្រូវធ្វើកំណែទម្រង់រចនាសម្ព័ន្ធឲ្យបានកាន់តែស៊ីជម្រៅជាងនេះ ដែលជួយដោះស្រាយបញ្ហាថ្លៃចំណាយខ្ពស់ទៅលើអគ្គិសនី និងភស្តុភារ ព្រមទាំងគម្លាតនៃជំនាញ ដែលអាចជួយកម្ពុជាបង្កើនការវិនិយោគនិងពង្រីកការនាំចេញទំនិញច្រើនមុខ និងធានាបាននៃការចែករំលែកវិបុលភាពសម្រាប់ប្រជាជនកម្ពុជាទាំងមូល។
